Иштироки мутахассисони обу ҳавосанҷӣ дар Шӯрои байнидавлатӣ

Душанбе, 2 октябр. (АМИТ «Ховар», Лутфия Эшонқулова). – Аз 2 то 5 октябр дар шаҳри Қазони Федератсияи Русия иҷлосияи 24 – уми Шӯрои байнидавлатӣ оид ба обу ҳавосанҷии давлатҳои аъзои Иттиҳоди Давлатҳои Мустақил баргузор мегардад, ки он конфронси илмиро аз рӯи масоили минтақавии обуҳавосанҷӣ дар бар мегирад. Конфронс ба 20 – солагии таъсиси Шӯрои байнидавлатӣ оид ба обу ҳавосанҷии Иттиҳоди Давлатҳои Мустақил ва 200 – солагии оғози мушоҳидоти мунтазами вазъи обу ҳаво бахшида шудааст.Мувофиқи хабари Муассисаи давлатии обу ҳавосанҷии Ҷумҳурии Тоҷикистон, роҳбарии ҳайати Тоҷикистонро директори муассисаи мазкур Маҳмад Сафаров ба ӯҳда дорад.