Истеҳсоли чарм зиёд мешавад

Душанбе, 3 октябр. (АМИТ «Ховар», Кристина Эрлих ). – Тайи 8 моҳи соли равон истеҳсоли чарм ва маснуоти чармин қариб 2 баробар афзуда, тамоюли бештар истеҳсол намудани пойафзоли чармин ба назар мерасад. Аз Вазорати энергетика ва саноати Ҷумҳурии Тоҷикистон дар ин бора ба АМИТ «Ховар» хабар доданд. Мувофиқи суханони манбаъ, ҳаҷми маснуоти чармин дар кишвар дар натиҷаи афзудани тавлиди чарм зиёд шуд. То имрӯз дар кишвар 300 ҳазор тахта чарм истеҳсол шуда, маблағи умумии маҳсулоти чармин 16 миллион сомониро ташкил медиҳад. Ғайр аз ин, дар давраи ҳисобот дар ҷумҳурӣ қариб 30 ҳазор ҷуфт пойафзол истеҳсол шуд, ки қисми зиёди онро пойафзоли бачагона ташкил медиҳад.