Истихроҷи ангишт — бештар аз замони шӯравӣ

Душанбе, 2 октябр. (АМИТ «Ховар», Дилшодаи Хайруллоҳ)- Аввалин маротиба дар таърихи ҷумҳурӣ истихроҷи ангишт ба 314 ҳазор тонна расонида шуд, ки ин яке аз дастовардҳои бузург дар давраи соҳибистиқлолии ҷумҳурӣ ба ҳисоб меравад.Корхонаҳои истихроҷкунанда муваффақ гардиданд, ки истихроҷи ангиштро аз замони шӯравӣ зиёд намоянд. Бояд қайд намуд, ки дар соли 1991 дар ҷумҳурӣ ба миқдори 309 ҳазор тонна ангишт истихроҷ гардида буд. Имрӯз корхонаҳои соҳа тавонистанд, ки дар ҷамъбасти 9 моҳи соли ҷорӣ истихроҷи ангиштро дар ҷумҳурӣ ба 314 ҳаз. тонна расонанд, ки ин нисбат ба нақшаи соли 1991 5,0 ҳазор тонна ва нисбат ба ҳамин давраи соли сипаригардида +143,0 ҳазор тонна зиёд мебошад.Тибқи иттилои котиботи Вазорати энергетика ва саноати ҶТ бинобар маҳдудияти сарчашмаҳои дигари энергетикӣ афзоиш додани ҳаҷми истихроҷи ангишт барои аҳолӣ, корхонаву муассисаҳои ҷумҳурӣ муҳим ба ҳисоб рафта, он ба нисбатан коҳиш додани норасоии нерӯи энергетикӣ дар ҷумҳурӣ мусоидат менамояд.