Кӯмаки навбатӣ ба Хонаи кӯдакон

Душанбе, 23 октябр. (АМИТ «Ховар», Дилшодаи Хайруллоҳ)- Бо мақсади таъмин бо маводи ғизоӣ ва захираи он дар фасли зимистон аз тарафи Вазорати энергетика ва саноати Ҷумҳурии Тоҷикистон ба тарбиятгирандагони Хонаи кӯдакони деҳаи Танобчии ноҳияи Темурмалик маводи ғизоӣ — картошка ва пиёз ҳамчун кӯмак расонида шуд.Ин иқдом дар доираи Амри Президенти Ҷумҳурии Тоҷикистон аз 12.01.2008 оид ба расонидани кӯмаки доимии моддию молиявӣ ба маъюбону пиронсолон, иштирокчиёни Ҷанги Бузурги Ватанӣ, оилаҳои камбизоат, хона-интернатҳо ва муассисаҳои иҷтимоӣ амалӣ гардида, чунин кӯмакҳо мунтазам расонида мешаванд.Бояд зикр кард, ки ин муассиса 130 нафар тарбиятгирандаро фаро гирифта, соли 2012 18 нафар хатмкунандаи он ба муассисаҳои таълимии таҳсилоти олӣ ва миёнаи касбии ҷумҳурӣ дохил шуданд.Дар ин бора ба мухбири АМИТ «Ховар» аз котиботи Вазорати  энергетика ва саноат иттилоъ доданд.