Китоби нави академик Ф.Шарифзода

Душанбе, 10 октябр. (АМИТ «Ховар», Людмила Дубинина). – Китоби нави академик Файзулло Шарифзода «Фалсафаи тафаккури омӯзгории аҷдодон» аз чоп баромад. Муаллифи китоб дар асари худ қобили ҳаёт будани тафаккури омӯзгории халқи тоҷикро, ки дар фалсафаи ислом асос ёфтааст, аз нигоҳу диди нав баррасӣ менамояд.Тадқиқоти муаллиф ҳамчунин ҳамоҳангии тафаккури аҷдодон бо масоили имрӯзаи тарбияи ҷавононро инъикос менамояд. Маросими муаррифии китоби нав 11 октябр дар Академияи маорифи Тоҷикистон баргузор мегардад, ки ба он олимони намоён, намояндагони донишкадаҳои олӣ, муаллимон ва зиёиёни пойтахт даъват шудаанд.Дар ин бора аз Академияи маорифи Тоҷикистон ба АМИТ«Ховар» хабар доданд.