Конфронси ҳамгироии Осиёи Марказӣ

Душанбе, 10 октябр. (АМИТ «Ховар», Зарангез Латифова ).- Рӯзҳои 15-16-уми октябри соли ҷорӣ қарор аст дар истироҳатгоҳи «Баҳористон»-и шаҳри қайроққуми вилояти Суғд конфронси масъалаҳои ҳамгироии Осиёи Марказӣ дар иқтисоди ҷаҳонӣ баргузор гардад.. Конфронси мазкур аз ҷониби ташкилоти байналмилалии австриягии «Hilfswerk Austria International» дар ҳамкорӣ бо ҷамъияти олмонӣ оид ба ҳамкориҳои байни давлатҳо ва маъмурияти минтақаи озоди иқтисодии «Суғд» сармоягузорӣ мегардад. Муҳокимаи масъалаҳои рушди механизмҳои ҳамкориҳои иқтисодии Осиёи Марказӣ ҳадафи асосии конфронс мебошад. Дар конфронс кормандони мақомоти дахлдори Тоҷикистон ва намояндагони ташкилотҳои хориҷиву дохилии кишвар иштирок хоҳанд кард. Дар ин бора ба АМИТ «Ховар» аз намояндагии Иттиҳоди Аврупо мустақар дар Душанбе хабар доданд.