Конфронси намояндагони маориф

Душанбе, 31 октябр. (АМИТ «Ховар», Лутфия Эшонқулова). – Тавре ки мутахассиси бахши барномасозии намояндагии минтақавии СММ барои кишварҳои Аврупои Шарқӣ ва Осиёи Марказӣ Наргис Азизова изҳор дошт, ба ваколатдорони ҳуқуқи инсони кишварҳои муҳоҷират тавсия дода мешавад, ки мониторинги дастрасии муҳоҷирони меҳнатӣ ва аъзои оилаҳои онҳо ба хидматрасонии иҷтимоӣ, аз ҷумла ба маориф, тандурустӣ ва ёрии иҷтимоиро роҳандозӣ намоянд.Наргис Азизова дар конфронси дурӯза таҳти унвони «Воситаҳои самарабахши ҳифзи ҳуқуқҳои муҳоҷирон», ки 30 октябр дар шаҳри Душанбе оғоз ёфт, дар ин бора сухан ронд. Мувофиқи суханони номбурда, конфронс натиҷаи ибтикори нави ҷаҳонии Муншии умумии СММ дар соҳаи маориф буда, мақсад аз он таъмини таҳсилоти умумии кӯдакон, баланд бардоштани сифати таълим ва таъмини эҳтироми ҳуқуқҳои инсон мебошад.