Корти миллӣ- нишони муомилаи миллӣ

Душанбе, 30 октябр. (АМИТ «Ховар», Фирӯза Давлатова). – Тавре ки аз дафтари матбуоти Бонки миллии Тоҷикистон иттилоъ доданд, бонки мазкур ба таври расмӣ ба бонкҳои хусусӣ муроҷиат кардааст, ки барои муштариёни худ аз корти миллӣ истифода кунанд, то ки ин навъи корти пластикӣ дар дохили кишвар маъмулӣ шавад.Маркази протсессингии Бонки миллӣ ба хотири кам кардани мизони муомилоти пули нақдӣ, рушди фановариҳои пардохти маблағ бо шароити муосир дар Тоҷикистон Корти миллиро ба муомила баровард. Манбаъ зикр намуд, ки бартарии корти миллӣ дар дохили кишвар ин аст, ки он дар қаламрави Тоҷикистон истеҳсол мешавад ва маблағи он дар дохил мечархад. Ба сурати умум, Бонки миллӣ иттилоъ медиҳад, ки шумори дорандагони корти пластикӣ дар Тоҷикистон афзуда, ҳудуди ним миллион нафарро ташкил медиҳад.