Курсҳои кӯтоҳмуддати омӯзишӣ аз Эмерҷенс-Груп

Душанбе, 4 октябр. (АМИТ «Ховар», Фарзона Достонзод). — Даври дувуми курсҳои омӯзишии мудофиавӣ барои занон-кормандони Вазорати корҳои дохилӣ дар маркази таълимии ВКД аз тарафи мутахассисони соҳаи мазкур ба анҷом расид.  Ба иттилои сомонаи расмии ВКД, барои занони кормандони ҳифзи ҳуқуқ аз мақомоти роҳбонӣ ва дастаи таъиноти махсуси милитсия ва дигар кормандони аз вилояти Хатлону ноҳияҳои тобеи ҷумҳурӣ дар охири сентябри соли равон сафорати Иёлоти Муттаҳидаи Амрико ва Эмерҷенс-Груп, ки даври дувуми он ба шумор меравад, ба мӯҳлати панҷ рӯз курсҳои омӯзишӣ гузарониданд. Мувофиқи маълумоти Вазорати корҳои дохилии Ҷумҳурии Тоҷикистон курсҳои омӯзишии услубҳои мудофиавӣ барои занон-кормандони ҳифзи ҳуқуқ аз тарафи занон-мутахассисони Эмерҷенс Груп, бо назардошти “занон-кормандони ҳифзи ҳуқуқ дар ҳолатҳои фавқулодда бо яроқ” таҳия гардида, барномаи усули тактикии мудофиавӣ ба занон-кормандони ҳифзи ҳуқуқ барои бартараф намудани ҳамлаҳои ҷисмонӣ аз тарафи гумонбаршудагон омӯзонида шуданд. Пас аз хатми курси омӯзишӣ ба иштирокчиён барои азхуд намудани мавзӯъҳои омӯзишӣ сертификат супорида шуд, афзуд Р. Илёсов, майори милитсия.