Ллойд Пакстон- директори генералии «Сомон Эйр»

Октябрь 4, 2012 11:58

Душанбе, 4 октябр. (АМИТ «Ховар», Сарвинози Руҳуллоҳ)- Ллойд Пакстон ба вазифаи директори генералии ширкати «Сомон Эйр» таъин гардида, дар ин вазифа Алишер Рустамовро, ки дар «Фурудгоҳи байналмилалии Душанбе» ба вазифаи нав таъин гардидааст, иваз намуд. Дар ин бора ба АМИТ Ховар аз ҶДММ “Ширкати ҳавопаймоии “Сомон Эйр” хабар доданд. Тибқи иттилои манбаъ, барои ҷаноби Пакстон ин таъинот маънои бозгашти вай ба кишварҳои Иттиҳоди Давлатҳои Мустақилро дорад, зеро пеш аз ин таъинот ӯ вазифаи Президенти ширкати ҳавопаймоии «Эйр Остона» (Қазоқистон)-ро ба уҳда дошт. Ва ҷиҳати пешрафти ширкати мазкур саҳми арзандаи худро гузоштааст. «Баъдан вай як муддати муайян дар вазифаи роҳбари ширкати ҳавопаймоии Малеви давлати Маҷористон фаъолият намудааст. Ҷаноби Ллойд Пакстон дар «Сомон Эйр» барои рушди ҳамаҷонибаи ширкат ва бо мақсади ба меъёрҳои ҷаҳонӣ мутобиқ гардонидани иҷрои парвозҳо масъул мебошад»-афзуд манбаъ.   Тибқи иттилои расида ҳамчунин барои фаъолият дар ширкат панҷ нафар мутахассиси хориҷие, ки ба наздикӣ ба Душанбе меоянд, ҷалб мешаванд. Зимнан ширкати «Сомон Эйр» дорои ду адад Боинги 737-900, ду адад Боинги 737-800, ду адад Боинги 737-300 мебошад. Ширкат парвозҳои худро ба самти шаҳрҳои асосии ИДМ, инчунин ба самти шаҳрҳои Франкфурти лаби Майн, Истанбул, Дубай ва Урумчӣ анҷом медиҳад.

Октябрь 4, 2012 11:58

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд