Мактаби замонавӣ дар Фархор

Фархор, 11 октябр. (АМИТ «Ховар», С. Холов).-Бинои мактаби таҳсилоти ҳамагонии рақами 6-и ноҳияи Фархор ҳанӯз солҳои 36-уми асри гузашта сохта шуда, дар айни замон дар ҳолати садамавӣ қарор дорад ва бо назардошти ин Ҳукумати Ҷумҳурии Тоҷикистон бинои сеошёнаи нави мактабро соли 2009-ум ба истифода дод. Бинои дуюмро хатмкардаи ҳамин мактаб- соҳибкор Диловар Муҳиддинов сохта истодааст, ки он рӯзҳои наздик мавриди истифода қарор мегирад. Бино аз ошхонаи замонавӣ барои хонандагону омӯзгорон, толори мачлисӣ, хонаи муаллимон ва 11 синфхона иборат буда, утоқҳои фаннӣ бо таҷҳизоти мактабӣ муҷаҳҳазанд ва дар он имкони дар ду баст ба таълим фаро гирифтани 684 нафар хонанда фароҳам оварда шудааст. Барои синфхонаи компютерӣ 10 адад компютер, сканеру принтер ва дигар таҷҳизоти лозимӣ харид шудааст.