«Манзумаи Мавзуна» ғолиби худро интизор аст

Октябрь 29, 2012 15:02

Душанбе, 29 октябр.(АМИТ «Ховар», Марзия Саидова).- «Манзумаи Мавзуна» -чунин ном дорад озмуне, ки онро шаҳрдории Душанбе байни аҳли эҷод эълон намудааст ва ғолиби онро 5 ҳазор сомонӣ интизор аст. Дилшод Қурбонов, сардори Раёсати ҷавонон, варзиш ва сайёҳии шаҳри Душанбе мегўяд: «Ҳадафи озмун тарғибу ташвиқи дастовардҳои варзишӣ, баланд бардоштани ҳисси ватандўстӣ, қадрдонии маънавии ҷавондухтарони варзишгари пойтахт, ҷалби наврасону ҷавонон ба солимгардониву машғулиятҳои варзишӣ, кўмаку дастгирии эҷодкорон барои тараннуми варзишгарони шоиста, хусусан дорандаи медали биринҷии Бозиҳои ХХХ олимпии тобистонаи Лондон-2012 Мавзуна Чориева аст». Аҳли қалам имкон доранд асарҳои назмии худро, ки дар ситоиши варзишгарон, паҳлавонию таҳамтанӣ ва пирўзии онҳо эҷод намудаанд, ба озмун пешниҳод созанд. Дар асарҳои назмие, ки ба озмун пешниҳод мегарданд, ба тасвири маҳорати паҳлавонию таҳамтанӣ ва варзишгарии духтари тоҷик, ифодаи қаҳрамонӣ, ҳисси баланди ватандўстӣ, чусту чолокӣ, ҷасорату азму талош баҳри пирўзӣ, ки боиси ифтихори миллист, афзалияти бештар дода мешавад.  Озмуни «Манзумаи Мавзуна» то 22 декабри соли равон идома ёфта, 25 декабр натиҷаҳояш ҷамъбаст мегардад.

Октябрь 29, 2012 15:02

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд