Муҳити зистро ҳифз намоед!

Душанбе, 15 октябр. (АМИТ «Ховар», Назир Назиров).- 11-уми октябри соли ҷорӣ сардорони шуъбаҳои ҳифзи муҳити зисти шаҳри Ваҳдат, ноҳияи Файзобод ва шаҳри Роѓун оид ба фаъолияти хеш дар 9 моҳи соли 2012 дар назди муовини якуми раиси Кумитаи ҳифзи муҳити зисти назди Ҳукумати Ҷумҳурии Тоҷикистон Ҳ. Назиров ҳисобот доданд. Маълум гардид, ки дар ин шуъбаҳои ҳифзи муҳити зист дар баробари иҷрои корҳо мушкилоту норасоиҳое низ ҷой доранд ва баъзе бандҳои нақша пурра иҷро нагардида, дар нишондодҳо низ бемасъулиятӣ зоҳир гардидааст. Бинобар ин Ҳ. Назиров ба сардорони шуъбаҳои мазкур огоҳӣ ва супоришҳои қатъӣ дод. Ҳ. Назиров гуфт, ки дар шуъбаҳои ҳифзи муҳити зист рўз ба рўз шароити корӣ беҳтар гардида, ҳамзамон Кумита аз сардорони шуъбаҳои мазкур фаъолияти пурсамар ва холӣ аз камбудиву норасоиҳоро тақозо дорад.