Муҳокимаи масоили маводи мухаддир дар ВМКБ

Душанбе, 19 октябр. (АМИТ «Ховар», Лутфия Эшонқулова). – Имрӯз, 19 октябр, дар бинои Ҳукумати ноҳияи Рӯшони ВМКБ ҷаласаи фаъолони ноҳия бо иштироки кормандони Агентии назорати маводи мухаддири назди Президенти ҶТ баргузор гардид.Роҳбари гурӯҳ, сардори маркази матбуоти Агентӣ Саъдулло Раҳматуллоев аз мақсаду вазифаҳои ба ин ноҳия омадани гурӯҳи кормандони Агентии назорати маводи мухаддир иттилоъ дода, дар бораи вазъи маводи мухаддир дар вилоят ба кишвар тайи 9 моҳи соли равон нақл кард. Хотирнишон месозем, ки кормандони Агентии назорати маводи мухаддири назди Президенти ҶТ дар ҳошияи амалиёти «Кӯкнор – 2012» дар ноҳияҳои ВМКБ ва вилояти Хатлон мебошанд.