Мулоқоти Ҳ.Зарифӣ бо К.Шанмугам

Душанбе, 1 октябр. (АМИТ «Ховар», Пайрав Назаров). – Чанде пеш дар шаҳри Душанбе мулоқоти вазири корҳои хориҷии Ҷумҳурии Тоҷикистон Ҳамрохон Зарифӣ бо вазири корҳои хориҷӣ ва ҳуқуқи Ҷумҳурии Сингапур К.Шанмугам баргузор гардид. Тавре ки аз Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, дар ҷараёни мулоқот масоили муносибатҳои дуҷониба ва дурнамои рушди минбаъдаи онҳо, имконияти тақвият бахшидани муносибатҳои дуҷониба дар бахшҳои мухталиф мавриди муҳокима қарор гирифтанд.