Мулоқоти сафири Беларус бо гурӯҳи дӯстӣ

Душанбе, 5 октябр. (АМИТ «Ховар», Людмила Дубинина). – 4 октябр сафири Ҷумҳурии Беларус Олга Гаврук бо гурӯҳи дӯстии Маҷлиси намояндагони Маҷлиси Олии ҶТ оид ба рушди ҳамкории дуҷонибаи байнипарлумонӣ мулоқот анҷом дод.Аз ҷониби Тоҷикистон дар мулоқот муовини раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба масъалаҳои иҷтимоӣ, оила ва ҳифзи саломатӣ Бек Қурбонов, муовини раиси Кумитаи сохтмони далавтӣ ва худидораи маҳаллӣ Галия Рабиева, узви Кумитаи иқтисод ва молия Мунаввара Кенҷаева ширкат доштанд. Ҷонибҳо дар ҷараёни мулоқот вазъу дурнамои ҳамкории тиҷоратию иқтисодии Беларус ва Тоҷикистон, густариши муносибатҳо дар соҳаи илму фарҳанг ва маориф, ҳамчунин ҳамкории ҷонибҳо дар ҳошияи ташкилотҳои байналмилалиро мавриди муҳокима қарор доданд. Дар ин бора аз Сафорати Ҷумҳурии Беларус дар Тоҷикистон ба мухбири АМИТ «Ховар» хабар доданд.