Мусобиқаи камонварӣ барои ҷоизаи Зебуннисо Рустамова

Душанбе, 1 октябр. (АМИТ «Ховар», Ибодат Давлатова). – Бахшида ба 20 солагии Иҷлосияи XVI-уми Шўрои Олӣ аз 1 то 15 октябри соли равон дар шаҳри Хуҷанди вилояти Суғд мусобиқаи кушоди ҷумҳуриявӣ оид ба камонварӣ барои дарёфти ҷоизаи Зебуннисо Рустамова доир мегардад. Тавре ки ба АМИТ «Ховар» аз маркази матбуоти Кумитаи ҷавонон, варзиш ва сайёҳӣ хабар доданд, варзиш аз самтҳои асосии сиёсати иҷтимоист, ки рисолати ҳамбастагии насли башарро бар уҳда дорад. Ин аст, ки бо мақсади такмилу инкишофи ҳамаҷонибаи камонварӣ ҳамасола дар кишвар мусобиқаҳо гузаронида мешаванд. Инчунин зикр шуд, ки дар чорабинӣ ширкати варзишгарон аз мамолики Қазоқистон, Қирғизистон, Ӯзбекистон, Тоҷикистон, Эрон, Беларус ва Русия дар назар аст.