Мусобиқаи мактаббачагон дар ВМКБ

Душанбе, 31 октябр. (АМИТ «Ховар», Зарангез Латифова ).- Дар шаҳри Хоруғи Вилояти Мухтори Куҳистони Бадахшон мусобиқаи гӯштии миллӣ миёни хонандагони мактабҳои таҳсилоти ҳамагонии маркази ин вилоят оғоз шуд. Мақсади баргузории мусобиқаро Алишер Ташрифов, сардори шуъбаи назорати муомилоти маводи нашъаовар ва пешгирии нашъамандии Агентии назорати маводи нашъаовари назди Президенти Ҷумҳурии Тоҷикистон тарғиби тарзи ҳаёти солим ва ҷалби наврасону ҷавонон ба варзиш арзёбӣ намуд. Дар мусобиқот, ки дар варзишгоҳи марказии шаҳри Хоруғ доир шуданд, хонандагони синфҳои болоии мактабҳо иштирок карданд. Маврид ба ёдоварист, ки аксар наврасону ҷавонони шаҳри Хоруғ ба варзиш ва бахусус гуштингирӣ майлу рағбати зиёд доранд, ки ин аз иштироки фаъол ва теъдоди зиёди довталабон дар мусобиқа аён буд. Мусобиқа имрӯз ба анҷом мерасад ва ғолибон бо тӯҳфаҳои хотиравӣ сарфароз мешаванд.