Мусодираи маводи мухаддир

Душанбе, 12 октябр. (АМИТ «Ховар», Лутфия Эшонқулова). – Кормандони мақомоти ҳифзи ҳуқуқи ҷумҳурӣ беш аз 9 килограмм ҳашишро мусодира намуданд.Мувофиқи хабари сомонаи расмии Вазорати корҳои дохилии Ҷумҳурии Тоҷикистон, дар ҷараёни амалиёти фаврӣ дар ҳудуди шаҳраки 103 – юми пойтахт сокини 21 – солаи шаҳри Норак, ки ба қочоқи маводи мухаддир гумон бурда мешуд, дастгир гардид. Ҳангоми тафтиш кормандони идораи милиса аз борхалтаи ин шахс 9 килограмму 258 грамм ҳашиш пайдо намуданд.Аз рӯи ин ҳодиса парвандаи ҷиноӣ кушода, тафтишот идома дорад.