«Мусофири транзитӣ» дар Қазоқистон

Душанбе, 3 октябр. (АМИТ «Ховар», Мавҷуда Анварӣ). – Аз 10 то 17-уми октябр дар шаҳри Алмаатои Қазоқистон ҷашнвораи якуми байналмилалии театрии «Ҷаҳони Исобеков» («Мир Исабекова») баргузор мегардад. Роҳбари дастгоҳи Вазорати фарҳанги ҷумҳурӣ Абдуғаффор Абдуҷабборов ба хабарнигори АМИТ «Ховар» хабар дод, ки гурӯҳи ҳунармандони Театри драмавии русии ба номи Маяковский бо намоишномаи «Мусофири транзитӣ» дар таҳияи Ҳунарпешаи шоистаи Тоҷикистон Мунира Додоева ба ҷашнвора мераванд.Чашнвора ба 70-умин солгарди зодрӯзи драматурги маъруфи қазоқ ва дорандаи ҷоизаи давлатии Қазоқистон Дулат Исобеков бахшида шудааст.