Мутахассисони КМИР ба Украина даъват шуданд
Душанбе, 12 октябр. (АМИТ «Ховар», Марзия Саидова).- 28 октябр дар Украина интихоботи парлумонӣ баргузор мегардад. Аз ин рў, 26 октябр бо даъвати Сергей Лебедев –раиси Кумитаи иҷроия- котиби иҷроияи Иттиҳоди Давлатҳои Мустақил /ИДМ/ , роҳбари ҳайати нозирони ИДМ ва Комиссияи марказии интихобот ва раъйпурсии Украина ду нафар аз кормандони масъули Комиссияи марказии интихобот ва раъйпурсии Тоҷикистон /КМИР/ ба ин кишвар сафар менамоянд. Ҷамшед Ҷамшедов, узви КМИР ва Хуршед Раҳматов мутахассиси КМИР дар ҳайати нозирони ИДМ ҷараёни баргузории интихоботи парлумонии Украина- Радаи Олиро мушоҳида менамоянд. Дар ин бора ба АМИТ «Ховар» аз КМИР –и ҷумҳурӣ иттилоъ доданд. Назар ба иттилои Муҳаммадато Султонов, котиби матбуотии Маҷлиси намояндагон, Абдуҷалол Салимов-узви Кумитаи палатаи поёнии парлумони Тоҷикистон оид ба энергетика, саноат, сохтмон ва коммуникатсия ҳамчун нозир дар ҷараёни баргузории интихоботи парлумонии Украина ширкат меварзад. Парлумони Украина –Радаи Олӣ мақоми олии қонунгузории ин кишвар аст. Он аз як палата иборат буда, 450 вакил ба муҳлати 5 сол интихоб мешаванд. 225 нафарашон аз ҳавзаи бисёрмандатаи умумидавлатӣ ва 225 нафари дигар аз ҳавзаи якмандата дар курсиҳои Радаи Олӣ менишинанд.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






