Натиҷаҳои пурсамари кори табибон дар мавсими «Ҳаҷ -2012»
Душанбе, 19 октябр. (АМИТ «Ховар», Дилшодаи Хайруллоҳ). — Ҷаҳду талоши намояндаҳои ситоди ҳаҷ ва духтурони тоҷик барои наҷоти Наргиза Аҳмедова, соли таваллудаш 1978, зодаи ноҳияи Панҷакент натиҷаҳои пурсамар дода истодаанд. Имрӯз тибқи иттилои Расул Назиров сардухтури ҳайати табибони ситоди «Ҳаҷ- 2012» Наргиза Аҳмедова, ки ба бемории саратон гирифтор аст, аз беморхонаи шаҳри Мадинаи мунаввара ҷавоб дода мешавад. Номбурда минбаъд зери назорати духтурони тоҷик қарор хоҳад гирифт. Тибқи иттилои табибони тоҷик ин натиҷа як муъҷизаеро мемонад, ки Худованд ба бемор ато намуда бошад, зеро ӯ дар як ҳолати тамоман вазнин қарор дошт. Есанбой Ашӯров, зодаи ноҳияи Панҷакент, соли таваллудаш 1940, ки бо бемории инсулт ва фалаҷи дасту пой бистарӣ гардида буд, бо хоҳиши худаш ва наздиконаш имрӯз ба Тоҷикистон интиқол дода шуд. Минбаъд Есанбой Ашӯров барои ташхис ва табобати дармонгоҳӣ дар беморхонаи Қарияи боло бистарӣ мешавад. Номбурдаро раиси Кумитаи корҳои дин А. Холиқов ва мудири шуъбаи фарҳанги дастгоҳи иҷроияи Президенти Ҷумҳурии Тоҷикистон М. Пиров ҳамроҳӣ менамоянд. Бемори дигар Шарифа Камолова, сокини ноҳияи Айнӣ, ки қаблан ба бемории саратони шуш гирифтор буд, ҳолати бемориаш муътадил арзёбӣ мегардад ва ӯ барои баргаштан ба ватан розӣ нашудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






