Нерӯгоҳ ба зимистон омода аст

Хоруғ, 19 октябр. (АМИТ «Ховар», Л.Додо ). – Нерӯгоҳи обию барқии «Хоруғ» ибтидои солҳои 70 – уми қарни ХХ бунёд ёфта буд. Солҳои қаблӣ он танҳо аҳолӣ, идороту муассисоти маркази вилоятро бо нерӯи барқ таъмин менамуд. Баъди таҷдид ва тақвияти иқтидори нерӯгоҳ он сокинони навоҳии Роштқалъа , Рӯшону Шуғнонро ҳам бо нерӯи барқ таъмин менамуд. Ин нерӯгоҳи дорои 5 агрегат дар як шабонарӯз то 9 ҳазор киловатт – соат нерӯи барқ истеҳсол мекунад. Тавре ки аз раёсати нерӯгоҳ хабар доданд, ба хотири ба зимистон комилан омода намудани нерӯгоҳ ҳоло варзидатарин коршиносони Украина онро таъмир мекунанд.