Никитюк Виктор Олегович – намояндаи дипломатӣ дар Тоҷикистон

Душанбе, 20 октябр. (АМИТ «Ховар», Афшини Муқим)- 19-уми октябр Президенти Ҷумҳурии Тоҷикистон Эмомалӣ Раҳмон аз Сафири нави фавқулодда ва мухтори Украина Никитюк Виктор Олегович эътимоднома қабул кард. Виктор Никитюк пас аз супоридани эътимоднома ва гуфтугӯ бо Эмомалӣ Раҳмон дар ҳузури хабарнигорон аз анъанаҳои дӯстии ду кишвар ёдовар шуда, зикр намуд, ки Украина Тоҷикистонро шарики боэътимоди худ дар арсаҳои гуногун меҳисобад. Ба қавли Виктор Никитюк бояд бо истифода аз имконоти мавҷуда ҳамкориҳои Украина ва Тоҷикистон дар соҳаҳои мухталиф, алалхусус дар бахши иқтисод беш аз пеш густариш дода шавад. Сафири тозаинтихоб иброз дошт, ки тамоми саъйу нерӯи дар самти тақвияти равобити гуногунсоҳаи Украинаву Тоҷикистон равона хоҳад кард.