Нишасти аъзои КДАБ дар Душанбе

Душанбе, 24 октябр.(АМИТ «Ховар», Марзия Саидова).- Фардо дар Душанбе нишасти аъзои Комисияи доимии Ассамблеяи байнипарлумонии кишварҳои аъзои Иттиҳоди Давлатҳои Мустақил /ИДМ/ оид ба фарҳанг, иттилоот, туризм ва варзиш баргузор мегардад. Дар ҷаласа масъалаҳои марбут ба тақвияти ҳамкорӣ байни парлумонҳои кишварҳои ИДМ, истифодаи таҷрибаи якдигар, шиносоӣ бо раванди таҳия ва қабули қонунҳо дар парлумонҳои давлатҳои ИДМ мавриди баррасӣ қарор хоҳанд гирифт. Дар робита ба баргузории ҷаласаи Комиссияи мазкур як ҳайати парламентарҳои ИДМ шоми имрўз вориди Тоҷикистон мегардад.