О. Оқилов аз корҳо дар нақби Шаҳристон қаноатманд аст

Душанбе, 15 октябр. (АМИТ «Ховар», Дилшодаи Хайруллоҳ)- Сарвазири Ҷумҳурии Тоҷикистон Оқил Оқилов охири ҳафтаи сипаришуда бо ҷараёни корҳои сохтмонии нақби Шаҳристон, ки дар марҳилаи анҷомёби қарор доранд, шинос шуд. Нақби Шаҳристон аз ҷумлаи бузургтарин лоиҳаҳои сохтмонии мамлакат ба ҳисоб меравад, ки дар асоси ҳамкориҳои байнидавлатии Ҷумҳурии Тоҷикистон ва Ҷумҳурии мардумии Чин бо дарозии беш аз 5000 метр бунёд гардида, рӯзҳои наздик мавриди бахрабардорӣ қарор мегирад. Оқил Оқилов аз сифати корҳои то имрӯз анҷомдодашуда изҳори қанотмандӣ карда таъкид дошт, ки то рӯзи мавриди баҳрабардорӣ қарор гирифтани нақб камбудиҳои корҳои ороишию равшанинамоии нақби мошингард бояд бартараф шуда, сифати корҳо дар ин самт ба меъёрҳои ҷаҳонӣ мутобиқ гардонида шаванд. Баъди шиносоӣ бо марҳилаи охири корҳои сохтмонӣ дар нақби Шаҳристон Оқил Оқилов аз мавзеи барои навсозӣ пешбинишудаи роҳи мошингарди Айнӣ-Панҷакент боздид ба амал овард.