Парламентарҳои тоҷик ба Таиланд мераванд

Душанбе, 19 октябр.(АМИТ «Ховар», Марзия Саидова).-Вакилони палатаи поёнии парлумони Тоҷикистон Нодира Турдиматова ва Амирбек Маҳмадалиев ҷиҳати иштирок дар даҳумин ҷаласаи Ассамблеяи генералии парламентҳои Осиё ба Бангкок-пойтахти Таиланд мераванд. Дар ин хусус ба АМИТ «Ховар» Муҳаммадато Султонов-котиби матбуотии Маҷлиси намояндагон иттилоъ дод. Мавсуф зикр кард, ки парламентарҳои тоҷик дар ҷаласаи ҷашние, ки 24 октябр ба муносибати 30-юмин солгарди таъсиси Ассамблеяи генералии парлумонҳои Осиё дар Бангкок баргузор мегардад, ширкат менамоянд. Интизор меравад, ки дар ҷаласа масъалаҳои марбут ба фаъолияти Ассамблея ва дурнамои он баррасӣ гарданд. Ассамблеяи генералии парлумонҳои Осиё 30 -сол муқаддам- дар соли 1982 таъсис шуда, алҳол ба ҳайати он 25 кишвари Осиё ва ҳавзаи Уқёнусия шомил мебошанд.