Поёни ҷашнвораи «Фалак»
Душанбе, 11 октябр. (АМИТ «Ховар», Раъно Нусратуллоева).-Дирӯз дар Кохи Ҷомӣ Фестивал-симпозиуми «Фалак-2012» кори худро анҷом дод. Дар чорабинӣ аз ҳамаи минтақаҳои ҷумҳурӣ, ҳамчунин меҳмонҳо аз Озарбойҷон, Афғонистон, Русия иштирок доштанд. Дар маросими тантанавӣ беҳтарин ҳаваскорон ва коллективҳои иштирокдорони фестивал баромад намуданд.Баъди анҷоми қисми тантанавӣ беҳтарин баромадҳо дар иҷрои ансамбли давлатии «Фалак»-и Кумитаи телевизион ва радиои назди Ҳукумати Ҷумҳурии Тоҷикистон, ҳамчунин солистони гурӯҳҳо аз вилояти Хатлон, Суғд, Вилояти Мухтори Кӯҳистони Бадахшон намоиш дода шуд. Ҳамаи гурӯҳҳо бо диплом ва тӯхфаҳои қимматбаҳои хотиравӣ қадр карда шуданд. Ташкилкунандагони фестивал ба Шабакаи аввал ва Телевизиони Сафина барои пахш намудани чорабиниҳои Рӯзи «Фалак» миннатдории худро баён намуданд. Бояд ёдовар шуд,ки жанри «фалак» на фақат дар байни иҷрокунандагон, балки байни тамошобинон ҳам маҳбубияти худро пайдо кардааст. Дар маросими поёнии «Фалак-2012» вазири фарҳанги Ҷумҳурии Тоҷикистон Мирзошоҳрух Асрорӣ қайд намуд, ки хуб мешуд,ки ҷашни фалак на факат дар Тоҷикистон, балки дар тамоми ҷаҳон таҷлил шавад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
