Раиси «Тоҷиксодиротбонк» мукофот гирифт

Душанбе, 31 октябр. (АМИТ «Ховар», Людмила Дубинина). – Бо қарори Шӯрои роҳбарони палатаҳои савдо ва саноати давлатҳои аъзои ИДМ раиси Раёсати Ҷамъияти саҳҳомии кушодаи «Тоҷиксодиротбонк», ҳамраиси Шӯрои ҳамкории тиҷоратии Беларус ва Тоҷикистон Тоҷиддин Пиров барои саҳми калонаш ба рушду дастгирии соҳибкорӣ дар Ҷумҳурии Тоҷикистон бо нишони ҷашнӣ мукофотонида шуд.Мукофотро муовини раиси палатаи савдо ва саноати Ҷумҳурии Тоҷикистон Лариса Кислякова супурд. Хотирнишон месозем, ки Тоҷиддин Пиров аз соли 1997 то соли 2003 намояндаи тиҷоратии Тоҷикистон дар Беларус ва раиси Шӯрои директорони «Тоҷиксодиротбонк» буд. Имрӯз «Тоҷиксодиротбонк» яке аз бонкҳои калонтарини Тоҷикистон ба шумор рафта, беш аз 20 фоизи сармояи низоми бонкии Тоҷикистон ба он рост меояд. Алҳол бонки мазкур беш аз 20 ҳазор нафар муштарӣ дорад.