Сабаби болоравии қурби асъор дар Душанбе

Душанбе, 22 октябр. (АМИТ «Ховар», Зарангез Латифова).-Дар нуқтаҳои мубодилаи асъори шаҳри Душанбе аз ҳафтаи гузашта қурби миёнаи доллари ИМА баланд гардидааст. Мувофиқи иттилои манбаъ дар нуқтаҳои фурӯши пойтахт 1 доллари ИМА бо арзиши 4,83 сомонӣ харида шуда, бо нархи 4,84 дирам фурӯхта мешавад. Дар ин давра қурбҳои миёна аз рӯи дараҷа бо рубли русӣ ва евро баланд шуда, мувофиқан ҳазор рубли русӣ ба 153 сомонӣ харида мешавад. Ёдовар мешавем, ки ҳазор рубли русӣ дар фурӯш ба 154 сомонӣ баробар буда, дар маркази кишвар 1 евро ба ивази 6,20 сомонӣ харид ва бо нархи 6,23 сомонӣ фурӯхта мешавад. Бино ба иттилои Бонки миллии Тоҷикистон сабаби ҷаҳиши асъор дар кишвар афзоиши воридоту содироти корхонаҳои истеҳсолии ҷумҳурӣ мебошад.