Сатҳи таваррум – 5,6 фоиз

Душанбе, 15 октябр (АМИТ «Ховар» Ибодат Давлатова)- Дар нуҳ моҳи соли равон сатҳи таваррум муътадилияти худро нигоҳ дошта, ҳамагӣ 5,6 фоизро ташкил дод, ки нисбат ба ҳамин давраи соли гузашта 3,4 банди фоизӣ паст мебошад. Тавре ки аз Бонки миллии Тоҷикистон хабар доданд, ин нишондиҳанда дар моҳи сентябр ба 1,3 фоиз баробар шуда, дар 12 моҳи охир 5,9 фоизро ташкил дод. Нишондиҳандаи дигари муҳим ва яке аз фишангҳои асосии сиёсати пулию қарзӣ — меъёри бозтамвили Бонки миллии Тоҷикистон аз 15 августи соли ҷорӣ то ба имрӯз тағйир наёфтааст ва дар сатҳи 6,5 фоиз қарор дорад, иттилоъ дод манбаъ.