Семинар ҷиҳати пешгирии омилҳои худкушӣ
Душанбе, 5 октябр. (АМИТ «Ховар», Дилшодаи Хайруллоҳ)- Имрӯз бо ташаббуси КВД “Маркази миллии имкониятҳои ҷавонон” бо мақсади пешгирии омилҳои худкушӣ миёни ҷавонони деҳот дар маҷлисгоҳи мактаби миёнаи умумии №34 ҷамоати деҳоти Гулистони ноҳияи Рӯдакӣ миёни ҷавонони ин минтақа семинари омӯзишӣ доир гардид.Дар семинар коршиносон дар радифи масоили вобаста ба ҳолати худкушӣ, инчунин ба масъалаҳои вазъи иҷтимоии ҷавонон, таҳсил, таҳкими арзишҳои маънавию фарҳангӣ, огоҳӣ, ҷаҳонбинӣ ва донишҳои инфиродиву мустақилияти зеҳнии насли ҷавон ибрози ақида намуданд. Иштирокчиёни семинари омӯзишӣ иброз намуданд, ки бобати татбиқи ҳадафҳои барномавӣ ва густариши фаъолияти ташвиқотиву тарғиботӣ бо мақсади фарогирии қишри ҷавони ҷомеа ба чорабиниҳои фарҳангӣ, вокуниш ба мушкилоти иҷтимоиву равонӣ ва ахлоқӣ, рушду тавсеаи маърифати ҳуқуқиву сиёсӣ, фарҳангӣ ва масъулиятшиносӣ кӯшиш хоҳанд кард.Ёдовар мешавем, ки Корхонаи воҳиди давлатии «Маркази миллии имкониятҳои ҷавонон” дар давоми моҳи сентябри соли равон, силсила-чорабиниҳои омӯзиширо дар самти пешгирии омилҳои худкушӣ миёни 100 нафар ҷавони ҷамоати деҳоти Гулистон ва Русияи ноҳияи Рӯдакӣ амалӣ намуд.
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
