Шартнома бо ҳуруфоти Брайл
Душанбе, 17 октябр. (АМИТ «Ховар», Марҳабо Зунунова). – Дар арафаи Рӯзи умумиҷаҳонии кӯдак, ки ҳар сол 20 ноябр таҷлил мешавад, Бунёди кӯдаки Созмони Милали Муттаҳид (ЮНИСЕФ) зимни ҳамкорӣ бо Созмони ҷамъиятии нобиноёни Тоҷикистон аввалин тарҷумаи тоҷикии «Шартнома дар бораи ҳуқуқи кӯдак» ва китоби «Дар бораи қобилият» — ро бо ҳуруфоти Брайл аз чоп баровард. Дар ин бора аз Намояндагии ЮНИСЕФ дар Тоҷикистон ба АМИТ «Ховар» хабар доданд. Тавре ки манбаъ тавзеҳ намуд, ҳамзамон Шартнома дар бораи ҳуқуқҳои шахсони имкониятҳояшон маҳдуд дар шакли китобча барои кӯдакони нобино, ки барои қироат ҳуруфоти Брайлро истифода мекунанд, рӯи чоп омадааст.Дар маросими муаррифии ин осор намояндагони вазоратҳои асосӣ, муассисаҳои давлатӣ, мақомоти маҳаллии ҳокимият, созмонҳои ҷомеаи шаҳрвандӣ ва васоити ахбори оммаи Тоҷикистон ширкат доштанд. Ба фикри мутахассисон, ин осори ба забони тоҷикӣ ва бо ҳуруфоти Брайл чопшуда ба риояи ҳуқуқҳои кӯдакони қувваи босираашон вайроншуда мусоидат мекунанд.Қобили зикр аст, ки ЮНИСЕФ барномаҳоро дар беш аз 150 кишвари ҳамаи қитъаҳо роҳандозӣ намуда, ба кӯдакон дасти ёрӣ дароз мекунад, шароити зиндагии онҳоро беҳтар месозад ва имконоти дар шароити мӯътадил рушд ёфтан ва ба камол расидани онҳоро фароҳам меорад.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






