Шаш озмоишгоҳи маводи мухаддир нест карда шуд

Душанбе, 16 октябр. (АМИТ «Ховар», Лутфия Эшонқулова). – Мақомоти ҳифзи ҳуқуқ ва сохторҳои қудратии ҷумҳурӣ тайи 9 моҳи охири соли равон беш аз 5 тонна маводи мухаддирро мусодира намуданд.Мувофиқи хабари маркази матбуоти Агентии назорати маводи мухаддири назди Президенти ҶТ, дар давраи ҳисобот кормандони агентӣ 70 ҳодисаи гардиши ғайриқонунии маводи мухаддирро ҷилавгирӣ намуда, дар ҷараёни онҳо 591 килограмму 486 грамм маводи мухаддир, аз ҷумла 59 килограмму 815 грамм героин, 18 килограмму 324 грамм тарёк ва маводири дигари нашъаоварро мусодира намуданд.Тавре ки дар маркази матбуоти Агентии назорати маводи мухаддир қайд намуданд, тайи 9 моҳи соли ҷорӣ дар ҳудуди ҶТ 20 нафар шаҳрвандони хориҷӣ ба ҷурми иштирокашон дар гардиши ғайриқонунии маводи мухаддир дастгир шуданд.