«Шириншо Шоҳтемур дар адабиёти тоҷик»

Душанбе, 31 октябр. (АМИТ «Ховар», Фирӯза Давлатова). – Вазорати фарҳанги ҷумҳурӣ иттилоъ дод, ки нашриёти «Адиб» китоби наверо бо номи «Шоҳтемур дар адабиёти тоҷик» ба нашр расонд. Дар ин китоб осори назмӣ ва насрии адибони тоҷик бахшида ба корнамоиҳои Қаҳрамони Тоҷикистон Шириншоҳ Шоҳтемур гирдоварӣ шудааст. Ҳамчунин дар маҷмӯаи мазкур драмаи нахустини драматург Ғанӣ Абдулло «Ситораи умед», ки соли 1964 ба чоп расида буд ва ҳамчунин драмаи шоири тоҷик Ато Мирхоҷа «Давлати баргашта» дар бораи Шириншо Шоҳтемур, ки бори нахуст нашр мегардад, дарҷ ёфтаанд.Сарсухани китоб аз ҷониби нависанда ва журналист Қурбон Аламшоев навишта шудааст.