Таҷлили Рӯзи Ҷалолиддини Румӣ дар Қӯрғонтеппа

Қӯрғонтеппа, 1 октябр. (АМИТ «Ховар», Мурод Сотиев ). – 29 сентябр дар шаҳри Қӯрғонтеппа Рӯзи Ҷалолиддини Румӣ таҷлил гардид. Дар ин ид ба ифтихори зодрӯзи классики адабиёти форсу тоҷик дар назди ҳайкали ёдгории ӯ воқеъ дар маркази шаҳри Қӯрғонтеппа порчаҳо аз ашъори шоири бузург қироат шуда, дастаи фалаксароён барномаи ҷолиби консертиро намоиш доданд. Раиси вилояти Хатлон Ғайбулло Авзалов зимни суханрониаш саҳми бузурги Ҷалолиддини Румӣ ба рушди адабиёту фарҳанги ҷаҳонро қайд намуда, гуфт, ки асарҳои шоири безавол дар рӯзҳои мо ҳам аҳамияти бузург доранд.