Таҷлили солгарди маркази «Сомониён»

Душанбе, 30 октябр. (АМИТ «Ховар», Фарзона Достонзода). – 28 октябр сокинону меҳмонони шаҳри Ярославли Федератсияи Русия шоҳиди консерти ҷолиби ҳунарпешагони тоҷик гардиданд. Созмони ҷамъиятии Маркази миллии фарҳангии «Сомониён», ки узви Маҷмаъи халқҳои Русия мебошад, даҳсолагии таъсисёбии худро бо ҳамин чорабинӣ оғоз намуд. Тавре ки роҳбари марказ, узви Шӯрои ҷамъиятии Раёсати Хадамоти федералии муҳоҷирати Русия, узви Шӯрои ҳамоҳангсозии масоили байналмилалии назди ҳокими вилояти Ярославл Рустам Мирзохоҷаев қайд намуд, Маркази миллии фарҳангии «Сомониён» — и тоҷикон маъвои меҳмоннавози ҳамаи ҳаводорони таърихи сарзамини қадимии тоҷикон маҳсуб меёбад. Таҷлили чунин идҳо ба рушду густариши муносибатҳои мутақобила дар соҳаҳои фарҳанг, маориф ва ҳамкории байни миллатҳо мусоидат мекунад.Дар ин бора аз хадамоти матбуоти Созмони қарзҳои бонкии Ҷамъияти саҳҳомии пӯшидаи «МИГОМ» ба мухбири АМИТ «Ховар» хабар доданд.