Такмили малакаи хидматчиёни давлатии Тоҷикистон

Душанбе, 11 октябр. (АМИТ «Ховар», Лутфия Эшонқулова). – Чанде пеш Пажӯҳишгоҳи сиёсат ва идораи давлатӣ зимни ҳамкорӣ бо Пажӯҳишгоҳи такмили ихтисоси хидматчиёни давлатии Ҷумҳурии Тоҷикистон семинари дурӯза дар мавзӯи «Стратегияи миллии ҳамкории судманди тиҷоратию иқтисодӣ дар Осиёи Марказӣ ва Афғонистон» — ро доир намуд. Семинар ба масоили сиёсати бахши тиҷорат ва гуфтушунидҳо бахшида шуда буд, ки дар он хидматчиёни давлатӣ, аҳли тиҷорат, ҳамчунин коршиносони мустақили Афғонистон, Тоҷикистон, Қирғизистон ва Қазоқистон ширкат доштанд. Дар семинар стратегияи миллии кишвар аз рӯи бархе масъалаҳои асосии тиҷорати минтақавӣ, аз ҷумла тақвият бахшидани нерӯи содиротии кишвар, стратегияи мушорикати давлатию инфиродӣ ва ғайра мавриди муҳокима қарор гирифтанд.