Тоҷикистон дар остонаи ҷашни муборак
Душанбе, 4 октябр.(АМИТ «Ховар», Марзия Саидова).- Фардо -5 октябр дар Ҷумҳурии Тоҷикистон Рўзи забони давлатӣ ҷашн гирифта мешавад. Соли равон таҷлили ин сана ба 60-умин солгарди зодрўзи Президенти ҷумҳурӣ Эмомалӣ Раҳмон рост меояд. Се сол муқаддам, аниқтараш соли 2009 парлумони кишвар қонуни навро «Дар бораи забони давлатии Ҷумҳурии Тоҷикистон» қабул намуд. Моҳи июли соли 2011 Сарвари давлати Тоҷикистон ба Қонуни Ҷумҳурии Тоҷикистон «Дар бораи рўзҳои ид» ва Кодекси меҳнати Ҷумҳурии Тоҷикистон», ки аз ҷониби парлумони мамлакат бо ворид намудани тағйирот қабул гардида буд, имзо кард. Тибқи тағйирот ба санадҳои мазкур ҳамасола дар кишвар 5 октябр ҳамчун Рўзи забони давлатӣ таҷлил мегардад. Қаблан дар замони Иттиҳоди Шўравӣ Тоҷикистон 22 июли соли 1989 Қонун «Дар бораи забони давлатӣ»-ро қабул намуда буд. Дар робита ба таҷлили Рўзи забони давлатӣ имрўз, 4 октябр дар Театри давлатии академии опера ва балети ба номи устод Садриддин Айнӣ маҷлиси тантанавӣ бо иштироки Президенти ҷумҳурӣ Эмомалӣ Раҳмон ва аҳли илму фарҳанги кишвар баргузор мегардад. Ҳамзамон барномаи идонаи адабию фарҳангӣ бо ширкати беҳтарин ҳунармандони ҷумҳурӣ, дастаҳои рақсию овозӣ маҷлиси тантанавиро шукўҳи хосса мебахшад. Чорабинии идона бо ибтикори Кумитаи забон ва истилоҳоти назди Ҳукумати ҷумҳурӣ ва Вазорати фарҳанги мамлакат созмон дода шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






