Вохӯрии Ғ. Афзалов бо сокинони ноҳияи Бохтар

Қӯрғонтеппа, 1 октябр. (АМИТ «Ховар», Мурод Сотиев). – 29 сентябр раиси вилояти Хатлон Ғайбулло Афзалов бо сокинони ноҳияи Бохтар вохӯрд. Ин чорабинӣ дар доираи дастурҳои Президенти Ҷумҳурии Тоҷикистон дар бораи қабули шаҳрвандон аз ҷониби роҳбарони идораю муассисаҳо сурат гирифт.Сокинони ноҳия зимни вохӯрӣ ба масъалаҳои бунёди иншоотҳои варзишӣ ва бунгоҳҳои тиббӣ дар деҳоти дурдаст, ҷудо кардани қитъаҳои замин ва таъмири роҳҳои мошингард мароқ зоҳир намуданд. Раиси вилояти Хатлон ба мақомоти маҳаллии ҳокимияти давлатӣ супориш дод, ки ба ҳалли проблемаҳои мавҷуда мусоидат намуда, ба сохтмони роҳҳои дохилии мошингард таваҷҷӯҳи хоса диҳанд.