Забон, давлат ва миллат тавъаманд

Душанбе, 4 октябр. (АМИТ «Ховар», Раъно Нусратуллоева).-Дирӯз дар Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон машғулияти навбатӣ ба таҷлили Рӯзи забони давлатӣ бахшида шуд. Дар машғулият ҳайати роҳбарикунанда ва ҳайати шахсӣ иштирок доштанд. Маърӯзаи лейтенанти калони хизмати дохилӣ дар мавзӯи таҷлили Рӯзи забони давлатӣ Шаҳло Забирова шунида шуд. Зикр гардид, ки забон яке аз рукнҳои муҳими давлатдорӣ буда, дар таҳкими пояҳои давлат нақши муассир мегузорад. Донистани забони миллӣ далели эҳтиром ба миллат, арзишҳои миллӣ ва таърихию фарҳангии хеш аст. Забон, давлат ва миллат дар паноҳи якдигаранд.