Қочоқчӣ дастгир шуд

Душанбе, 12 ноябр. (АМИТ «Ховар», Лутфия Эшонқулова). – Кормандони мақомоти ҳифзи ҳуқуқи ҷумҳурӣ беш аз 11 килограмм маводи нашъаоварро мусодира намуданд. Назар ба хабари Вазорати корҳои дохилии Ҷумҳурии Тоҷикистон, дар ҷараёни амалиёти таъҷилӣ сокини 32 – солаи ноҳияи Тавилдара дастгир шуд. Ҳангоми тафтиши ҷойи истиқомати ӯ се халтаи дорои 11 килограмму 390 грамм маводи нашъаовар пайдо гардид. Аз рӯи ин қазия парвандаи ҷиноӣ кушода, тафтишот идома дорад.