Қурби асъор дар Душанбе боло рафт?

Душанбе, 9 ноябр. (АМИТ «Ховар». Зарангез Латифова).- Ҳафтаи равон дар нуқтаҳои мубодилаи асъори шахри Душанбе қурби доллари ИМА каме боло рафта, дар атрофи 4,83 сомонӣ харид ва 4,85 сомонӣ фурӯш қарор дорад. Ҳамчунин қурбҳои миёна низ дар нуқтаҳои мубодилаи асъор бо рубли русӣ ва евро каме тағйир ёфтаанд. Хариди 1 рубли русӣ ба 0,149 ва ба 0,150 сомонӣ дар фурӯш гузошта шуда, 1 евро ба 6 сомониву 16 дирам харида шуда, дар фурӯш ба 6 сомониву 19 дирам баробар шудааст. Ба иттилои Бонки миллӣ , сабаби болоравии қурби асъор дар кишвар воридоти зиёд ва камшавии содироти хизматрасониҳо мебошад.