Қурби доллари ИМА тамоюли пастшавӣ дорад

Душанбе, 23 ноябр. (АМИТ «Ховар», Ибодат Давлатова).- Давоми чанд рӯзи охири ҳафтаи ҷорӣ қурби доллари ИМА дар нуқтаҳои мубодилаи асъори шаҳри Душанбе, Хуҷанд ва дигар минтақаҳои ҷумҳурӣ дар маҷмуъ тамоюли пастшавӣ дошта, ба ҳисоби миёна доллари ИМА ба бо арзиши 4,8460-4,8650 сомонӣ хариду фурӯш мешавад.  Тавре ки ба мухбири АМИТ «Ховар» аз Хадамоти матбуотии БМТ иттилоъ доданд, қурбҳои миёна аз рӯи амалиёт бо рубли русӣ ва евро дар ин давра каме баланд шуда, мувофиқан ба 0,1540-0,1549 ва 6,2020-6,2260 сомонӣ баробар шуданд. 22 ноябр қурби миёнаи доллари ИМА дар нуқтаҳои мубодилаи асъори шаҳри Душанбе каме паст фаромада, дар ҳудуди 4,8500-4,8600 сомонӣ қарор дорад.