Ҳафтаи таҳсилоти байналмилалӣ дар Тоҷикистон

Душанбе, 9 ноябр. (АМИТ «Ховар», Пайрав Назаров ). – Аз 13 то 16 ноябр Ҳафтаи таҳсилоти байналмилалӣ дар Тоҷикистон баргузор мегардад. Маросими оғози ҳафта аз ярмаркаи таҳсилотӣ дар Гӯшаи Амрикои шаҳри Душанбе оғоз меёбад. Ин чорабинӣ бо чунин созмонҳои таҳсилотӣ, монанди ACCELS. Educotion USA, IREХ, OSI, Маркази фарҳангии «Бохтар» роҳандозӣ мешавад. Ҳар созмон иштирокдорони ярмаркаро бо барномаҳои таҳсилотӣ шинос карда, дар бораи имкониятҳои таҳсилот хабар дода, ҳамчунин ба саволҳои иштирокдорон ҷавоб медиҳад. Аз 14 то 16 ноябр дар саросари Тоҷикистон чорабиниҳои иттилоотию таҳсилотӣ роҳандозӣ мешаванд. Дар ин бора аз Сафорати ИМА дар Тоҷикистон ба АМИТ «Ховар» хабар доданд.