Ҳалокати 3 шаҳрванди Тоҷикистон дар ФР

Душанбе, 20 ноябр. (АМИТ «Ховар», Лутфия Эшонқулова). – Бар асари сар задани сӯхтор дар яке аз хобгоҳҳои шаҳри Долгопруднии Федератсияи Русия 2 нафар шаҳрвандони Тоҷикистон ҳалок гардидаанд.Назар ба хабари дафтари матботи намояндагии Хадамоти муҷирати ҶТ дар ФР субҳи 19 ноябр дар бинои хобгоҳи шаҳраки Хлебниковои шаҳри Долгопрудниӣ 2 сокини шаҳри Хуҷанди вилояти Суғд – Саодат Исмоиловаи 22 — сола ва ҷияни ӯ Зарнигор Исмоиловаи 3 — сола ҳалок шуданд. Мувофиқи маълумоти пешакӣ, сӯхтор дар натиҷаи часпиши кӯтоҳмуддати ноқилҳои барқи ошёнаи якуми бинои хобгоҳ, ки муҳоҷирони меҳнатӣ дар он муваққатан иқомат доштанд, рух додааст.Намояндагии Хадамоти муҳоҷирати ЧТ дар ФР ҳамчунин хабар медиҳад, ки 15 ноябри соли равон дар ноҳияи Белоусови шаҳри Обнински вилояти Калуга боз як шаҳрвандни ҶТ, сокини шаҳри Турсунзода Зоҳирҷон Тоҷибоев бо сабаби аз ҷониби шахсони номаълум бераҳмона лату кӯб шуданаш ҳалок гардид.Аз рӯи қазияи куштор парвандаи ҷиноӣ кушода, тафтишот гузаронида мешавад.