Ҳалокати 379 нафар бар асари садамаи нақлиётӣ

Душанбе, 10 ноябр (АМИТ «Ховар», Музаффари Рустам) — Аз аввали соли ҷорӣ то ба имрӯз дар роҳҳои мошингардӣ ҷумҳурӣ 1169 садамаи нақлиётӣ ба қайд гирифта шуда, 379 нафар ба ҳалокат расида, 1303 нафарашон ҷароҳатҳои гуногуни ҷисмонӣ бардошта дар беморхонаҳо бистарӣ гардидаанд. Аз ҷумла, 9 ноябри соли равон дар ноҳияи Бобоҷон Ғафуров садама рӯх дод, ки боиси марги як нафар ноболиғ гашт. Ҳамчунин дар тахрихи ҳамин рӯз ронандаи воситаи нақлиёти тамғаи BMW-520 таҳти идораи ронанда Тимур Тимофеев ҳангоми ҳаракат бо кӯчаи Ленин бехатарии ҳаракати роҳро риоя накарда, пиёдагарди ноболиғ Ҳусейнов Комилҷони 8 соларо зер мекунад, ки дар натиҷа пиёдагарди ноболиғ ҷароҳати ҷисмони бардошта дар ҷойи ҳодиса ба ҳалокат мерасад.Дар ин бора аз шуъбаи ташвиқоту тарғиботи Раёсати Бозрасии давлатии автомобилии Вазорати корҳои дохилии ҶТ Маҳмадшариф Шамсов иттилоъ дод.