Ҳамкории байни Тоҷикистону Беларус ривоҷ меёбад

Душанбе, 2 ноябр. (АМИТ «Ховар», Лутфия Эшонқулова). – 1 ноябр дар шаҳри Душанбе мулоқоти вазири молияи Ҷумҳурии Тоҷикистон Сафаралӣ Наҷмиддинов бо Сафири Фавқулодда ва Мухтори Ҷумҳурии Беларус дар Тоҷикистон Олга Гаврук баргузор гардид.Тавре ки аз Вазорати молияи кишвар ба АМИТ «Ховар» хабар доданд, дар ҷараёни мулоқот аз рӯи масоили мубрам ва дурнамои ҳамкорӣ дар бахшҳои мухталифи фаъолияти ҳар ду мамлакат табодули афкор баргузор гардид. Ҷонибҳо ба раванди татбиқи лоиҳаҳои муштараки байналмилалӣ таваҷҷӯҳи хоса зоҳир намуданд.Сафаралӣ Наҷмиддинов зикр намуд, ки Тоҷикистон ҷонибдори ҳамкории зич бо Ҷумҳурии Беларус мебошад. Номбурда ҳамчунин изҳори боварӣ намуд, ки ҳамкории байни Тоҷикистону Беларус минбаъ ҳам рушду густариш хоҳад ёфт.