Ҳамкории кишварҳои ОМ дар Аврупо матраҳ мегардад

Душанбе, 12 ноябр.(АМИТ «Ховар», Марзия Саидова).- Ҳайати парлумонии Тоҷикистон таҳти сарварии Амиршо Миралиев –муовини аввали раиси Маҷлиси намояндагон ҷиҳати иштирок дар ҷаласаи ҳайати вакилони парлумони Аврупо оид ба кор бо кишварҳои Осиёи Марказӣ ба Брюссел сафар кард. Тибқи иттилои Муҳаммадато Султонов-котиби матбуотии палатаи поёнии парлумони мамлакат ҳайати парлумонии Тоҷикистон дар ҷараёни ҷаласа, ки то 14 ноябр идома меёбад, масъалаҳои марбут ба таҳкими ҳамкориҳои парлумонҳои кишварҳои Осиёи Марказӣ бо парлумони Аврупоро матраҳ менамояд. Ҳамзамон дар Брюсел мулоқоти вакилони парлумони Тоҷикистон бо ҳамтоёни аврупоии худ ҷараён гирифта, масъалаҳои марбут ба иқтисод, экология ва соири масоили истифодаи самараноки захираҳои обию энергетикии Осиёи Марказӣ баррасӣ мешавад.