Ҳ.Зарифӣ ба Бишкек рафт

Душанбе, 26 ноябр. (АМИТ «Ховар»). – Имрӯз, 26 ноябр, вазири корҳои хориҷии Ҷумҳурии Тоҷикистон Ҳамрохон Зарифӣ барои иштирок дар мулоқоти вазирони корҳои хориҷии Иттиҳоди Аврупо ва Осиёи Марказӣ ба шаҳри Бишкеки Ҷумҳурии Қирғизистон рафт.Мулоқоти вазирони корҳои хориҷии Иттиҳоди Аврупо ва Осиёи Марказӣ 27 ноябри соли ҷорӣ дар бинои «Конгресс – Холла» — и шаҳри Бишкек баргузор мегардад.Рӯзномаи мулоқот иборат аз масоили амният, ҳамкории минтақавӣ, энергетика, ҳифзи муҳити зист ва захираҳои об мебошад.Иштирокдорони мулоқот ҳамчунин стратегияи Иттиҳоди Аврупо барои Осиёи Марказиро мавриди муҳокима қарор медиҳанд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд.